منتديات السنابل
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات السنابل

اهلا وسهلا بكم في منتديات السنابل
 
الرئيسيةالبوابةأحدث الصورالتسجيلدخول
مارس 2024
الأحدالإثنينالثلاثاءالأربعاءالخميسالجمعةالسبت
     12
3456789
10111213141516
17181920212223
24252627282930
اليوميةاليومية
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

 

 أغاني العرس الفلسطيني

اذهب الى الأسفل 
2 مشترك
كاتب الموضوعرسالة
الامبراطور
مشرف برونزي
مشرف برونزي
الامبراطور


ذكر
عدد الرسائل : 175
العمر : 38
العنوان : القلعة الحمراء -بيرزيت/رام الله
المزاج : منبسط*متفاءل*
Personalized field : عضو منتديات السنابل
تاريخ التسجيل : 30/06/2008

thiab
دياب: مملكة الامبراطور

أغاني العرس الفلسطيني Empty
مُساهمةموضوع: أغاني العرس الفلسطيني   أغاني العرس الفلسطيني Icon_minitimeالثلاثاء يوليو 01, 2008 3:23 am

أغاني العرس الفلسطيني
من الاغاني التي كانت تغنى عندما كانت تحنى العروس
سبل عيونو وماد ايدوا يحنول
غزال زغير بالمنديل يلفولو

يا امي يا امي عبيلي المخاداتي
وطلعت من الدار وما ودعت خياتي

سبل عيونو وماد ايدوا يحنولو
غزال زغير بالمنديل يلفولو
يالمي يالمي طاويلي المناديلي
وطلعت من الدار وما ودعت انا جيلي
واطلعت من الدار وما ودعت انا امي
انا الغربية وهيلوا يا دمعاتي

سبل عيونو وماد ايدوا يحنولو
غزال زغير بالمنديل يلفولو
يا الاهل يا الاهل لا يجير ليكو خاطر
شو الي عماكو عن ابن عمي هالشاطر
يا الاهل يا الاهل لا يبري ليكو ذمه
شو الي عماكو عن ابن الخال والعم

سبل عيونو وماد ايدوا يحنولو
غزال زغير بالمنديل يلفولو

ايويها... بحنة مكة جيت احنيكي
ايويها... يا بدر ضاوي وألحلى كلو ليكي
ايويها... ما بتلبق الحنة إلا لايديكي
ايويها... يا فاطمة زينة العرايس لمحمد اوديكي

ايويها... يا شعرك شعر السلسبيلي
ايويها... ويسلمي هالكم الطويلي
اويها... ريتو يحرصك الله
ايويها... من عين الحاسد والعزولي



********************************************************************
أغاني الزفة في العرس الفلسطيني

بالهنا يا ام الهنا يا هنية
التوت عيني على الشلبية
التوت عيني على العريس بالاول
صاحب الوجه السموح المدور
قالتلو يا عريس يا ابن الكرامي
عيرني سيفك ليوم الكوان
سيفي محلوف عليه ما بعيرو
سيفي ماصل من بلاد اليماني
بالهنا يا ام الهنا يا هنية
شيعوا لولاد عمو يجولو
بالخيول المبرقعة يغنولوا
عددوا المهرة وشدوا عليها
تييجي محمد ويركب عليها
عددوا المهرة وهاتو الشبرية
زفولي محمد لباب العلية
عددوا المهرة وهاتوا البارودي
زفولي محمد لباب العمود
ايويها... ريتو هالفرح مبارك
ايويها... سبعة ثمان بركات
ايويها... كما بارك محمد
ايويها... على جبل عرفات

ايويها... يا قاعدة على المراتب قعدة البنا
أيويها... والكحل بعيونك زقفتلوا غنا
أيويها... حط القدم على القدم ما اسمعتلو رنا
ايويها... ويجعل البطن يلي حملك مسكنو الجنة

ايويها... صبر قلبي وما قصر
ايويها... وانقطع حبل الجفا بعد ما تغير
ايويها ... افرحولي يا جيراني وخلاني
ايويها... وانا عها اليوم بتحصر.

ايويها... جيت اغني وقبلي ما حدا غنا
ايويها... بقاع وادي فيه الطير يستنا
ايويها... وريتك با محمد بهل العروس تتهنا
ايويها... وتضل سالم ويضل الفرح عنا

الامبراطور
الرجوع الى أعلى الصفحة اذهب الى الأسفل
عــــــــاشق الـــــــسهر
رئيس مجلس الادارة
عــــــــاشق الـــــــسهر


ذكر
عدد الرسائل : 953
العنوان : رام الله
العمل : طالب
المزاج : مرح دائما
Personalized field : رئيس مجلس الادارة في منتديات السنابل
تاريخ التسجيل : 30/04/2008

thiab
دياب: احمد ابو ايهاب

أغاني العرس الفلسطيني Empty
مُساهمةموضوع: رد: أغاني العرس الفلسطيني   أغاني العرس الفلسطيني Icon_minitimeالثلاثاء يوليو 01, 2008 7:06 am

مشكور يا مولاي الامبراطور
نتمنى لك التوفيق والتقدم واشعلها كمان بسهراتك ومواضيعك الجذابة
وكمان خد لقائمتك هدي الاغاني
زفة العريس والعروس بالطريقة الفلسطينية


أسم الله عليك

يا عريس عليك اسم الله جبنا لك غزال محنى

حنن يا قرع حنن شوف الحلوة بيجنن

طولك طول عرابي باشا شوفك خلا الناس دهاشا

يا محمد لا تهتم رجالك شرابين الدم

اعطيني توبك ترقص فيه وبنص الليل تعالي خذيه

يام الثوب سباغ الهندي ما بقيلك حاجة عندي

يام الثوب ال الطرزتيه حطيت البلاوي فيه

عن جويزك خبيتيه ولعشيقك فرجيتيه

يا محلا ضرب الشباري في الاعدا والدم جاري

ياويل اللي يعادينا يطلع برة يلاقينا

ياويل اللي نحاربو بالسيف نقطع شاربو

ياويل اللي يحاربنا لو وقفت شواربنا

محمد يا نور العين يازمردة في قلادة

ياريت امك جابت اتنين يوم الحبل والولادة

بابور على الجسر ممدود وخشبة من لديد النجارة

واحنا حزام المتاريس لو صار ع البيض غارة

يا صاحبي ناديلي نادي من فوق ابو عرف مايل

عن خويلفه للبساتين ما يسكنوها قبايل



زفة العروس

يا عينها عين الحور يا خدها كما الدوحان

يا شعرها كمالف الغمور وحدهن بالدهان

يابنت جملك نهشني واجت نهشتو في الملاية

ورمان صدرك دهشني وخلى فطورك عشاية

ياريت طيرنا موس واطير على جناحو

واهدي ع الخد وابوس واقول طابت جراحو



درج يا غزالة يارزق الحلال

درج يا حبيبي ريتك من نصيبي

تلولحي يا دالية يا ام غصون العالية

تلولحي عرضين وطول تلولحي لقدر اطول

يلعن أبو المدارس غلّن مهر العرايس

يلعن ابو الجامعات غلن مهر الطالبات

يام الثوب ال طرزتية حطيتي البلاوي فيه

وعن جويزك خبيتيه في نص الليل تعالي خذيه



الهيلمان الهيلمان


الهليمان على تمو تمو يا خاتم سليمان

الهيلمان على طولو طولو يا عود الريحان

الهيلمان على عيونو عيونو يا فتحة فنجان

الهيلمان على شعرو شعرو يا ريش النعام

الهيلمان على سنو سنو يا لولو ومرجان



يردد اللويح ويرد الشبان والعريس في الوسط

كنت أعزب داير مجنون

بلعب بين الشبّان

قاللي عقلي واتجوّز

قسمة نصيب أخذت الزين

حبل الزين وجاب غليم

وصار يقوللي يابابا

بدي حلاوة منفوشة

مديت ايدي ع الجيبة

لقيت الجيبة منكوشة

ومنو منو صار الغوش

وع السرايا ودوني

ألف عصاية ضربوني

ويا ثعلب ويا مكار

وايش دلّك ع باب الدار

دلني ما دلني

دلني ابن عمي النمس

اللي لفتو قنطار




يا بنت ياللي في البيت لا تحسبيني جنيت

يا بني ياللي في الدار لا تحسبيني غدار

لولا الحكومة والحكم قاسي

لانزل ع ابوكي بموس الكبّاسِ

لولا الحكومة والفدائية

لانزل ع ابوكي بموس وشبرية

يا رمان رمان مليسي يا رمان كلو على كيسي





زفة قرية بيت حانون

حمام العريس

في العادة يقوم أحد أصدقاء العريس بدعوته إلى بيته وتتم الحلاقة والحمام في بيت الصديق:

عطرلو شليشو هالعريس

غالي ع اهل حوشو هالعريس

واحلق يا حلاق وعطرلي شليشو

نيّال العريس الغالي ع اهل حوشو

عطرلي منديلوٍ هالعريس

غالي ع اهل جيلو هالعريس

عطرلي عقالو هالعريس

غالي على خوالو هالعريس

عطرلي محرمتو هالعريس

غالي على مرتو هالعريس



يخرج العريس من بيت صاحبه باتجاه بيت العروس

طالعين من باب هالدار لا بسين ملبسين

لا بسين الجوخ الاخضر على كتوف السلاطين

وابعدو العريس عن خيو من عيون الحاسدين

طالعين من باب هدار لابسات ملبسات

لابسين الجوخ الاخضر على كتوف البشوات

وابعدو العريس عن خيو من عيون الحاسدات

العريس وربعو راكبين مهارة العريس وربعو راكبين مهارة

زغرتيلو يامو يام اسوارة لخوف بنيك لتصيبو العين

يا مرحبا هذا بنية معاهم والخيل تلعبو على الصفين



ياسَمَك عظمك جرحني ياسمك وليش ما تنعم علينا ياملك

ياسمك عظمك جرحني باليمين ليش ما تنعم علينا يا وزير

ياسمك عظمك جرحني بالشمال ليش ما تنعم علينا يا سلطان

في سوق الجية يا عريس بيع امك في سوق الجية

رطلين هدية هات لي بحق امك رطلين هدية

في سوق الساحل ياعريس بيع امك في سوق الساحل

جوز المكاحل هاتلي بحق امك جوز المكاحل

وعقبال العزابية

الرجوع الى أعلى الصفحة اذهب الى الأسفل
http://ahmadmah87.jeeran.com/profile/
 
أغاني العرس الفلسطيني
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتديات السنابل :: .. °•ღ قســم الجوالاات والهـواتف النقـالهღ•° .. :: .. °•ღ المنتديات التقنيه ღ•° .. :: السنابل مزيكا :: منوعات شعبيه-
انتقل الى: